+961 5 450 198

أهم الأخبار والأحداث

28
Sep
2018

تكريم الياس قازان

استكمالاً لنهج "العراقة والتطوّر" الذي اتخذته بلدية الحازمية شعاراً لها، يتابع المجلس البلدي حملة تكريم كبار الحازمية،

وللمناسبة زار رئيس المجلس البلدي والأعضاء، ومختارا البلدة واعضاء المجلس الإختياري وبعض من فعاليات البلدة، منزل العم الياس قازان وعقيلته السيدة لطيفة، في وسط البلدة، وقدّموا لهما الزهور ودرع البلدة الذي حفر عليه، شعار حملة التكريم:

" من قلب الحازمية الى قلبكما المعطاء...

من ذاكرة الحازمية الى تاريخكما الحيّ...

كل المحبة والتقدير!

رئيس وأعضاء مجلس بلدية الحازمية  -  2018 "

 

وكانت بعدها  كلمة لرئيس المجلس البلدي، السيد جان الياس الأسمر، جاء فيها:

"مسا الخير !

كبارنا ... فخرنا واعتزازنا !

منكم منستمد القوة، والأمل ببكرا جديد ...

منكم منستمد عنفوان، ومحبة، ومنتعلم كيف نكابر ع الجرح لو مهما كان كبير

 

عم الياس ... ست لطيفة

هالبيت اللي خسر جزء من ربيعه بخسارة نبيل،  ومن بعده موريس، عرف كيف يستمر ويخرّج بيوت، وتبقى الاستمرارية والضحكة فيه مع ميشال وعيلته ومع الصبايا وعيالهم.

 

هالبيت اللي وقف بوجه الكل، وبقي متمسّك بقناعاته، بالحوار والقرار، وبالمحبة، كيف فينا نمرق من حده وما نكرّمه؟

انتو مصدر الوفا، وعنوان الكرم، ورمز المحبة،

إنتو بتستاهلو كل تكريم من الحازمية، البلدة والبلدية...

انتو التاريخ الحي، اللي منفتخر فيه.

مع الدرع اللي عم نقدملكم ياه، والورد اللي حملناه معنا، حملنا كمان أمنيات كبيرة بالصحة والعافية والعمر الطويل

ويبقى هالبيت مرجع لكل ابناء الحازمية، ونحنا منهم،

مرجع محبة ووفا .

في متل بيقول "اللي ما عنده كبير يشتري كبير"

وانتو كبارنا اللي منعتز ومنغتني بوجودكم بيناتنا. "

 

تلا الحفل نخباًً للمناسبة، وتغريدات شعرية مرتجلة بين العم الياس قازان ونائب الرئيس الشيخ يوسف حبيش:

العم الياس قازان:

" قولولي ليش عم بتصوّرو؟

خايف على عضمات صدري تدوّبو

ومن عضم صدري عملت مروحة الهوا

تبرم قدّامكم كل ما تشوّبو!

يا ريس جان يا زين البرايا

عم بحكي الدغري مش عم قول المرايا

انت شهم، ومحمود المزايا

مضوي شموع ع الأربع زوايا

طلتك كل ليلة علينا، متل طلة أمير على الرعايا "

 

الشيخ يوسف حبيش:

" بيقولو العم الياس بردت همته

يوم تكريمه طال عمره

بوجود الريس جان

الله يطوّل بعمركم وبعمره"

 

على ان تستكمل الحملة بشكل شبه اسبوعي لتشمل جميع كبار الحازمية فتكرّم مسيرتهم وأعمالهم.